Moder Maas
Thema Platbook 5: Moder Maas
De Maas heurt biej Limburg wie de zie (zee) biej Zeelandj. Limburg is gemaak door Moder Maas, den dink uch de Maas weg en veer höbbe gei grindj mie, idem dito baggergate, minder beutjes en brögke.
Wiet geer daomit umgaot, of geer aan de Maas gebaore ziet of wiejerweg, in Haerle: sjrief waat geer mit de Maas höbt. Is ze veur uch ein sjteegmoder? (Stiefmoeder, Remunjs, waordebook Ech – dus waor). Die baek van uch: moog mitdoon, den häör water geit nao Moder Maas – kan neet angers.
Wie nao doezjende jaorie ies de deuj keem en weuste windj maeters hoog zandj biej de Maas lag, kóste de baeke vanoet Braobantj häör water neet mie kwiet. Det sjtranjde veur die zandjberg, en zoe is de Peel (Piel moog ouch) óntsjtange. Sjrief.
En went geet gaaroet nieks mit de Maas vandoon wilt höbbe, maak eur eige dörp en besjrief det baeter es ’t leedje van Sonneveld det van Michel van der Plas is. Neum det dörp Grotemoel aan de Amstel.
Dink en dink nao, pieker en peuter, sjrap en hersjrief, den Platbook 5 mót get waere wo me nag jaore euver kalt.
Eur meisterwirke kónt geer toet 1 oktoeaber 2010 leefs per e-mail sjikke nao de redactie van Platbook 5. Det is dits kieër:
Els Lahey-Diederen
St. Gerlach 76
6301 JD Valkenburg a/d Geul
e-mail: els.diederen@home.nl of els.diederen@gmail.com
(Wim Kuipers)