Pries

’t WLD, Waordebook Limburgse Dialekte, haet eine pries gekrege. Det is de Juliana Boudewijn Prijs. Wie dae naam al verreujt: det is eine pries veur (cultureel) gooj dinger binne de rieke van Zjuul en Baudoin, en veural langs de grenze. Good idee dus.

Ei waordebook kan dae pries op 30 juni 2010 neet in henj geduujd waere. Daoveur kriege de pries de universiteite van Numwaege en Läöve (Leuven) en sjpesjaal prof. dr. R. van Hout en prof. dr. L. Draye. Waat die gedaon höbbe veur det waordebook? Laote veer haope det die hóngerde Limburgse buurkes, hoeshelsters, lierare, sjoesters, sjrienewirkers en angere die de vraogelieste jaorelank braaf ingevöld höbbe, onnag geneump waere.

                                                                                                 Wim Kuipers