Actueel Volkscultuur
Actueel
PIET ABEN geit oet de commissie volkscultuur
Op de letste vergadering van de Kómmissie Volkscultuur höbbe v’r aafsjeid mótte numme
van Piet Aben. Piet waas vanaaf de heroprichting vanne Kómmissie Volkscultuur in 1999 medein ‘n enthousiast lid, ‘nen echte doonder. Veur alles had Piet ‘n oplossing.
Mit zien enorm netwerk en gooj kóntacte in ’t óngerwies waas hae de sjtuwende krach achter de publicaties van de lesbreve van Veldeke Volkscultuur.
Piet is daobie ‘nen enorm goje muzikant; hae kan alle meziek dalik opsjrieve. Die deskundigheid is dök van pas gekómme, as t’r kinjerleedjes op meziek móste waere gezat.
Mer as se zoväöl talente höbs, wurs se ouch dök veur vanalles gevraog. Dan mós se op ‘n gegaeve moment keuzes make. En det letste haet Piet noe ouch mótte doon.
De Kómmissie Volkscultuur dank Piet veur al zien werk, veur al zien werk op volkscultureel gebied, in ’t bezónjer veur zeen werk veur de jeug!
Veer zólle dich, dien deskundigheid en dien werklös misse, Piet!
De Cómmissie Volkscultuur van Veldeke Limburg,
Yvonne de Vries, veurzitter
Netty Engels-Geurts, lid
Els Lahey-Diederen, lid
Riky Simons-Julicher, lid
Annie Schreuders-Derks, adviseur