Geslaagde Kringedaag Valkeberg

’t Waer waor fantastisch bie de kringendaag bie de Veldekekrink Valkeberg op zaoterdig 19 september 2009 en dat waor neet allein de rae veur ’n fijn treffe tösje mer leefs 59 Veldekebesjtuurdersj oet Veldeke-Limburg en Veldeke Belsj Limburg.
De óntvangs in de Caverne de Geulhem waor al gans specifiek veur ‘t mergelland en daonao de róndleiding door Camiel Oostwegel zelf, mèt hölp van dhr. Paulissen, door zien Château St. Gerlach, de barokkèrk, ’t park mèt de beelde, de roazetuin, de sjeetwei van de sjötterie en de wiengaard “clos St.Gerlach” ’n hoagtepunt.

Flinke opkoms beij de Kringedaag in Valkeberg. Gans links veurzitter Lei Pennings van Veldeke-Limburg.
E groat contras in d’n tied, meh eve kleurriek en kunszinnig intersant waor ’t regebaogsjpiraalhoes (2007) van Friedensreich Hundertwasser dat op de wandelweeg, tösje de activiteite door, bekeke koes were.
Nao ’t biewone van de jaorlikse Veldekedialekmès, woa e gans vernuujd dialekmèsbeukske gepresenteerd woort, volgde es sjleting van d’n daag, ’n gezamelik etensje.